Themelimi i kompanisë daton në 15 Prill 1996, një iniciativë e Z. Petrit Maho, i cili pati vizionin se ndryshimet në shërbimin shëndetësor edhe në produktet farmaceutike po fillonin të ishin të pranishme për tregun shqiptar. INTERMED është kompani e cila është e licensuar për importin, marketimin, ruajtjen dhe shpërndarjen e produkteve që ajo tregton.
Ndër kompanitë e para me të cilat u lidh një bashkëpunim i qëndrueshëm ishte ITALFARMACO dhe NOVA ARGENTIA. Me produktet e tyre, 25 produkte të para të cilat ishin të fokusuara në patologjitë e sistemit nervor edhe gjinekologji. (…për më tepër shiko Produkte). Ky bashkëpunim është rritur dhe forcuar me kalimin e viteve duke shtuar produkte cilësore.
Zhvillimi i INTERMED u shoqërua me lidhjen e bashkëpunimit me kompaninë Berlin-Chemie (Menarini Group) duke shtuar numrin e produkteve edhe specialitetet që trajtohen me to. Më pas u mundësua bashkëpunimi me kompani të tjera si Bayer Healthcare, Alvogen, Pharma Swiss, Hoffman La Roche, Nobel Ilac, Allergy therapeutics, etj. (…për më tepër shiko Partnerë)
INTERMED ofron për tregun shqiptar produkte cilësore dhe specifike, vaksina të personalizuara, prodhime farmaceutike xhenerike, barna OTC si dhe shtesa ushqimore, këto produkte mbulojnë thuajse të gjithë gamën e patologjive.
INTERMED për kryerjen e magazinimit të barnave zotëron një magazinë, e lokalizuar në Maminas, Durrës. Magazina ka një hapësirë prej 1475 m2 me një kapacitet 1200 paleta, është e pajisur me sistem monitorimi të vazhduar (Comet system MS+) për temperaturën dhe lagështinë. Magazina i përmbahet të gjithë kërkesave të ruajtjes së produkteve farmaceutike, dhe është e pajisur me dokumentacionin e duhur të cilësisë edhe me sinjalistikën e përshtatshme për menaxhimin sa më të mirë të produkteve.
Investime të tjera të Z. Maho: Në 2013 vizioni i kompanisë ishte zgjerimi me krijimin linjave të prodhimit farmaceutik të fokusuar kryesisht në prodhimin e produkteve farmaceutike humane dhe veterinare, kryesisht produkte xhenerike si dhe përgatesave galenike. Ky investim i ndarë në dy kompani të pavarura
nga njëra tjetra;
NOVAL kompania e prodhimit të barnave humane
VETAL kompania e fokusuar në prodhimin dhe tregtimin e produkteve veterinare. Secila nga kompanitë ka specifikat dhe produktet e veta, të cilat janë në formë-doza të ngurta (tableta), gjysëm të ngurta (kremëra edhe tinktura), parenterale etj.
